Harmonika

Grunnpróf

Á grunnprófi í harmonikuleik skal nemendi leika þrjú verk og eina æfingu. Aðrir prófþættir eru tónstigar og hljómar, val og óundirbúinn nótnalestur, auk þess sem gefið er fyrir heildarsvip prófsins.

Miða skal við að heildarpróftími á grunnprófi í harmonikuleik fari ekki fram yfir 30 mínútur. Á prófinu skal nemandi að minnsta kosti flytja eitt verk utanbókar samkvæmt prófþætti 1 eða æfingu samkvæmt prófþætti 2.

Prófþættir eru þessir:

Þrjú ólík verk (15 einingar hvert) í samræmi við kröfur greinanámskrár.
Æfing (15 einingar) í samræmi við kröfur greinanámskrár.
Tónstigar og hljómar (15 einingar) í samræmi við kröfur greinanámskrár.
Val (10 einingar). Nemandi velji eitt eftirtalinna viðfangsefna:
1. Spinni einradda út frá gefnu upphafi, hljómferli eða lagi, með eða án undirleiks.
2. Leiki frumsamið verk eða eigin útsetningu.
3. Leiki stutt alþýðulag eða þjóðlag sem lært hefur verið eftir eyra.
Óundirbúinn nótnalestur (10 einingar).
Heildarsvipur (5 einingar).

Dæmi um prófverkefni á grunnprófi

Í námskrá eru gefin eftirfarandi dæmi um prófverkefni á grunnprófi. Dæmunum er ætlað að skilgreina þyngdarstig prófsins. Fullt eins má velja önnur verkefni af sambærilegri þyngd.

Dæmi um tónverk – harmonika með tónbassa

Menúett í g-moll BWV Anhang 115 – Úr: Notenbüchlein für Anna Magdalena, eignað Christian Pezold
A la claire Fontaine – Úr: Surdin (útg.): Canadian Folk Songs, Grade II
Torbjörn Lundquist: Allerlei nr. 3
Béla Bartók: Pastorale – Úr: Mikrokosmos, 1. hefti
Anders Grøthe: Nr. 7 – Úr: 20 norske folkemelodier
Lars Holm: Allegro Úr: Music-box 1

Dæmi um æfingar – harmonika með tónbassa

Æfing nr. 2 – Úr: Czerny/Abbott: Exercices gradues pour l’accordion, 2. hefti
Æfing nr. 5 – Úr: Harris, Eddie: Sol-Fah patterns 1

Dæmi um tónverk – harmonika með hljómbassa

Menúett í g-moll BWV Anhang 115 – Úr: Notenbüchlein für Anna Magdalena, eignað Christian Pezold
Santa Lucia – Úr: Palmer/Hughes: Accordion Course 3
Lag í C-dúr, nr. 24 – Úr: Eisenmann: Steps 1b
Prelude – Úr: Holm: Spela mera dragspel
Menúett, nr. 76 – Úr: Eisenmann: Schulwerk, 2. hefti
Comedians dance – Úr: Palmer/Huges: Accordion Course 4

Dæmi um æfingar – harmonika með hljómbassa

Æfing nr. 3 – Úr: Abbottt: 26 Easy and Progressive Studies
Æfing nr. 6 – Úr: Czerny, C./Ahvenainen: 24 Etudes

Miðpróf

Á miðprófi í harmonikuleik skal nemendi leika þrjú verk og eina æfingu. Aðrir prófþættir eru tónstigar og hljómar, val og óundirbúinn nótnalestur, auk þess sem gefið er fyrir heildarsvip prófsins.

Miða skal við að heildarpróftími á miðprófi í harmonikuleik fari ekki fram yfir 45 mínútur. Á prófinu skal nemandi að minnsta kosti flytja eitt verk utanbókar samkvæmt prófþætti 1 eða æfingu samkvæmt prófþætti 2.

Prófverkefni á miðprófi skulu leikin á harmoniku með tónbassa að öðru leyti en því að heimilt er að leika eitt tónverk sem skrifað er fyrir harmoniku með hljómbassa.

Prófþættir eru þessir:

Þrjú ólík verk (15 einingar hvert) í samræmi við kröfur greinanámskrár.
Æfing (15 einingar) í samræmi við kröfur greinanámskrár.
Tónstigar og hljómar (15 einingar) í samræmi við kröfur greinanámskrár.
Val (10 einingar). Nemandi velji eitt eftirtalinna viðfangsefna:
1. Leiki verk að eigin vali af sambærilegri þyngd og önnur miðprófsverkefni.
2. Spinni einradda út frá gefnu upphafi, hljómferli eða lagi með eða án undirleiks.
3. Leiki frumsamið verk eða eigin útsetningu.
Óundirbúinn nótnalestur (10 einingar).
Heildarsvipur (5 einingar).

Dæmi um prófverkefni á miðprófi

Í námskrá eru gefin eftirfarandi dæmi um prófverkefni á miðprófi. Dæmunum er ætlað að skilgreina þyngdarstig prófsins. Fullt eins má velja önnur verkefni af sambærilegri þyngd.

Dæmi um tónverk

Domenico Scarlatti: Sónata í e-moll K. 98, L. 325
Wolfgang Jacobi: Nr. 8 – Úr: 10 Polyphone Stücke nach spanischen Volksliedern
Wladislaw Solotarjow: Kindersuite 1
Louis-Claude Daquin: Le coucou
Petr Fiala: Song – Úr: For Children
Heikki Valpola: Clowns

Dæmi um æfingar

Æfing nr. 4 – Úr: Czerny/Abbott: Exercices gradues pour l’accordion, 2. hefti
Etude IV – Úr: Bertini, Henri: 25 Easy Studies op. 100

Framhaldspróf

Á framhaldsprófi í harmonikuleik skal nemandi leika þrjú verk og eina æfingu. Aðrir prófþættir eru tónstigar og hljómar, val og óundirbúinn nótnalestur, auk þess sem gefið er fyrir heildarsvip prófsins.

Miða skal við að heildarpróftími á framhaldsprófi í harmonikuleik fari ekki fram yfir 60 mínútur. Á prófinu skal nemandi að minnsta kosti flytja eitt verk utanbókar samkvæmt prófþætti 1 eða æfingu samkvæmt prófþætti 2.

Prófþættir eru þessir:

Þrjú ólík verk (15 einingar hvert) í samræmi við kröfur greinanámskrár.
Æfing (15 einingar) í samræmi við kröfur greinanámskrár.
Tónstigar og hljómar (15 einingar) í samræmi við kröfur greinanámskrár.
Val (10 einingar). Nemandi velji eitt eftirtalinna viðfangsefna:
1. Leiki verk að eigin vali af sambærilegri þyngd og önnur framhaldsprófsverkefni.
2. Leiki samleiksverk þar sem hann gegnir veigamiklu hlutverki.
3. Leiki tónverk sem skrifað er fyrir harmoniku með tónbassa.
Óundirbúinn nótnalestur (10 einingar).
Heildarsvipur (5 einingar)

Dæmi um prófverkefni á framhaldsprófi

Í námskrá eru gefin eftirfarandi dæmi um prófverkefni á framhaldsprófi. Dæmunum er ætlað að skilgreina þyngdarstig prófsins. Fullt eins má velja önnur verkefni af sambærilegri þyngd.

Dæmi um tónverk

Johann Sebastian Bach: Inventio 4 – Úr: Inventionen und Sinfonien [Urtext]
Wladislaw Solotarjow: Sónata nr. 2
Vaclav Trojan: Die zertrümmerte Kathedrale
Domenico Scarlatti: Sónata í C-dúr K. 159, L. 104 [Urtext]
Wolfgang Jacobi: Interméde
Niels Viggo Bentzon: In the Zoo

Dæmi um æfingar

John Gould: Shake
Æfing nr. 2 – Úr: Czerny/Abbott: Exercices gradues pour l’accordion, 4. hefti

Tónleikar

Að loknu framhaldsprófi í harmonikuleik skal nemandi leika 30-60 mínútna langa efnisskrá á tónleikum innan eða utan skólans. Fyrir frammistöðu á tónleikunum er gefin umsögn en ekki einkunn. Ekki er nauðsynlegt að halda tónleikana á sama skólaári og hljóðfæraprófið fer fram. Séu prófið og tónleikarnir haldnir á sama skólaári er heimilt að nota alla efnisskrá prófsins á tónleikunum. Fari tónleikar fram síðar skal að minnsta kosti helmingur efnisskrárinnar endurnýjaður. Gæta þarf þess að efnisskrá sé fjölbreytt og vel saman sett.